CEBU CITY-Mipadayag og pasalamat ang mga kapulisan sa Sugbo sa katawhan sa ilahang padayon nga pagsuporta sa Cebu City Police Office.
Mao kini ang nahimong pamahayag ni Police Colonel Ireneo Dalogdog, ang City Director sa CCPO human nga nakompleto ang mga ebidensya batok sa suspek sa kamatayon sa 23-anyos nga basketbolista nga milungtad pa og tulo ka adlaw usa nailhan ang maong suspetsado.
Giila ang suspek nga si Aaron Karl Tan, kinsa maoy gitudlo sa mga tistigo nga tag-iya sa SUV nga nakit-ang gi-abandona sa Brgy. Guadalupe.
Sa pikas bahin, gipahimangnoan ni Police Lt. Col. Gerard Ace Pelare, ang tigpamaba ni Police Brig. Gen Anthony Aberin ang publiko sa paggamit sa mga blinker ug siren nga adunay plano nga gamiton alang sa ilang personal nga interest gawas nalang kung otorisadong personahe apan, gihimug-atan niini nga hingpit kini nga gidili.
Dugang pa sa opisyal nga wala niini gisalikway ang posibilidad nga aduna pa’y laing nagpahipi nga rason sa maong insidente apan, kung gani naka-inom mamahimong dili na mobyahe arun makalikay sa mga disgrasya, ingon man nga makaangol sa mga inosente.
