CEBU CITY-Gigahit ni Police Lieutenant Colonel Janette Rafter, ang deputy director for operations sa Cebu City Police Office (CCPO) nga makig-alayon sa kapulisan ang nipatim-aw nga adunay nasayran kabahin sa gidangatan sa linuog nga kamatayon ni Rhea Mae Tocmo.
Sa nikaylap sa social media nga nakahatag og kalibog sa katawhan hilabi na sa pamilya sa biktima diin giingon nga adunay gihuptan nga ebidensya sa tinuod nga nagpatay sa naasoy nga biktima.
Matud pa ni Rafter, nga i-agi kini og saktong proseso tungod bug-at ang nahimong alegasyon sa gi-alyasang “Lyzza”.
Hinungdan nga giawhag ni Rafter nga mo-coordinate sa mga kapulisan o gani sa laing ahensya sama sa National Bureau of Investigation arun imbistigahan ang mga gipagawas nga pamahayag nga adunay kalabutan sa kaso ni Rhea Mae Tocmo.
Gi-uyonan usab ni Police Major Angelito Valleser, hepe sa Labangon Police Station ang pahayag ni Rafter nga makig-alayon sa mga buhatan sa kapulisan kining nagpailang ‘Lyza’ arun sutaon ang mga giingong ebidensya.
Sa pakighinabi sa Bombo Radyo Cebu News Team kang Valleser, nga kon gani tinuod ang mga gibutyag sa personahe, pasalamatan nila apan og gani walay kamatuoran, pasakaan kini og kaso.
Dugang pa sa hepe, kung basehan ang mga CCTV sa maong dapit, kusganon niyang barugan nga walay kamatuoran ang giingon ni ‘Lyza’ mahitungod sa iyahang giingon nga mga videos nga nagtumbok sa mga tinuod suspetsado.
