Kasong arson ipasaka batok sa mga indibidwal nga responsable sa dakong sunog sa Barangay Punta Princesa sa dakbayan sa Sugbo – CCFO

CEBU – Gibutyag sa kadagkoan sa ka bomberohan nga possibling karong semanaha ipasaka ang reklamo nga arson batok sa mga indibidwal nga responsable sa dakong sunog nga nibiya sa gatosan ka mga pamilya sa Barangay Punta Princesa sa dakbayan sa Sugbo.

Sumala pa ni Senior Fire Officer 2 (SFO2) Wendell Villanueva,ang information officer sa Cebu City Fire Office (CCFO),nga lakip sa pasakaan og kaso si Marilou “Marimar” Alfeche, ang tag-iya sa balay diin giingong nagsugod ang sunog.

Matod ni Villanueva nga ipasaka ang reklamo sa higayon nga makompleto nila ang paghipos sa mga pamahayag sa mga testigo ug sa gikinahanglang mga ebidensiya.