CEBU CITY-Padayon ang pagtrabahu sa China kontraktor nga Hunan Road ug Bridge Construction Group Co. Ltd. sa Package 1 sa Cebu Bus Rapid Transit (CBRT) project human kini makadawat sa inisyal nga mobilization fund, nga 10 porsiyento sa kapin sa P900 milyones nga kinatibuk-ang presyo sa kontrata, gikan sa ang Department of Transportation (DOTr).
Kini ang gikumpirma ni Norvin Imbong, project manager sa CBRT, niadtong Miyerkules, Hunyo 14, 2023.
Matod ni City Councilor Jerry Guardo, chairman sa committee on infrastructure og hangtod Hunyo 15 ang DOTr sa pagbayad sa gikasabutan nga kantidad.
Sa sayo pa, ang Hunan Construction giingong mihulga nga moundang samtang nagpaabot sa pagpagawas sa mobilization fund.
Gisugdan ang pagtrabaho sa CBRT human sa groundbreaking niini niadtong Pebrero 27, apan matud ni Imbong nga walay labot ang pagtukod sa mga sidewalk, drainage ug upat ka estasyon sa CBRT, ang pagtrabaho sa mga dedicated lanes nga anaa sa 23 porsiyento nang nahuman.
