Labing menos 41, patay sa Children’s Hospital human sa pag-atake sa Russia sa Ukraine

Gikatahong labing menos 41 ang natala nga napatay sa usa ka air strike sa Russia sa Ukraine kaniadtong Lunes.

Gipabuthan sa Russia ang nag-unang ospital sa mga bata sa Kyiv gamit ang usa ka missile sa hayag nga adlaw kaniadtong Lunes ug gipaulanan og mga missile ang ubang mga lungsod sa tibuuk Ukraine.

Diin ang labig menos 41 nga namatay puros mga sibilyan.

Sa pagkakaron, padayon ang paningkamot sa mga rescuers nga maluwas ang ubang mga biktima gikan sa maong pag-atake.

Gawas sa natala nga namatay, daghan usab ang nakaangkon og samad.