Nagtuo si Senate President Pro Tempore Panfilo “Ping” Lacson nga kinahanglan nga susihon pag-ayo ang mga lagda sa Senado aron matubag ang padayon nga pagka-absenot ni Senador Ronald “Bato” Dela Rosa sa mga sesyon.
Sumala ni Lacson, ang isyu mahimong hisgutan pag-ayo atol sa gikatakdang all-senators’ caucus karong Lunes, Pebrero 23.
Gipasabot sa senador nga ang Senado adunay kasamtangang polisiya bahin sa padayon nga pagkawala sa mga hearing sa komitiba, nga mahimong moresulta sa pagkawala sa miyembro sa komite sa usa ka senador. Bisan pa, walay susamang probisyon alang sa pag-absenot sa plenaryo.
Kahinumduman nga si Dela Rosa wala na nagpakita sa Senado sukad Nobyembre 2025, diin giingong nagtago siya human gibutyag ni Ombudsman Jesus Crispin “Boying Remulla nga ang International Criminal Court (ICC) nag-isyu og warrant of arrest batok kaniya kalabot sa iyang kalambigitan sa kampanya batok sa droga sa administrasyong Duterte.
Niining bahina, ang ICC kaniadto nag-ila kang Dela Rosa ug Senador Bong Go isip “co-perpetrators” ni kanhi Presidente Rodrigo Duterte.
Samtang, si Lacson miingon nga ang mga senador naghisgot na sa daghang posibleng mga lakang apan wala pa’y konkretong aksyon nga nasabutan.
