TALISAY CITY, CEBU-Nadakpan na usab ang laing suspetsado sa pag patay sa ginang sa Sitio Bugnay Barangay Jaclupan dakbayan sa Talisay nidtong Hunyo 21, 2023 nga si Emerina Entis Barias, sa Talisay City police station sabado sa hapon Hunyo 24, 2023.
Ang suspek giila nga si Janel Paraiso 26 anyos nga taga Sitio Catican Purok 7 Barangay Tapul bukirang dapit sa dakbayan sa Talisay.
Sa pakighinabi sa Bombo Rayo Cebu kang Janel, iyahang gibutyag nga dili gyud si Juram, anak sa biktima ang ilahang tumong ug tuyo sa iyang pag-adtu sa ilahang panimalay, kundili ang iyaha gyung inahan nga si Emerina Entis Barias, ug gibutyag niini nga si Jurem mismo ang nagsugo kaniya nga ipapatay ang iyanag inahan.
Kini gumikan kay naka dispalko si Jurem sa iyahang agawon ug di mo minos sa P80mil, ug bugti sa pagbayad niini, ipapatay ang iyahang inahan.
Dugang pang Janel, nga drama radaw tanan sa ilahang pag-abut sa panimaly ni Juram, ug iyaha rang gisunod ang instruksiyon sa iyaha ni Juram, nga inig abut sa ilahang balay siya ang pangitaon, apan ang kamatuoran ilaha rang gidula ang tanan nga si Juram ang patyonon, pero ang ilahang patyon ang Inahan gyud niini.
Una niini, adunay mga impormasyon nga nanggawas nga ang patyonon sa mga suspek mao si Juram nga anak sa biktima nga si Emerina Entis Barias, apan unsa mang pagkaunsa nga gibutyag man sa suspek nga si Juram ang nagsugo kaniya.
Hinungdan nga gikuhaan ug habig sa Bombo-Radyo si Police Lieutenant Colonel Randy Caballes hepe sa Talisay City police station, arun sa pag ‘verify’ sa maong pangangkon ug gitino sa opisyal nga sa kasamtangan nagpadayun pa ang ilahang imbistigasyon arun sa pagsuta sa kamatuoran.
