TEXAS, USA – Mobilib ang mga mahiligon og video games sa usa ka lalaki sa Richmond, Texas diin nakakolekta siya og libuan ka mga video games.
Giila ang bag-ong world record holder sa Guiness nga si Antonio Monteiro human siya nakakolekta og 20,139 ka mga kopya sa nagkalain-laing video games.
‘Struggle is real’, matud pa alang sa mga kawani sa Guiness gumikan kay milanat og 8 ka adlaw ang pag-ihap sa tanang kopya sa nagkalain-laing mga video games ug ma-function kini gamit ang gatusan ka mga gaming consoles.
Pipila sa mga nakolekta ni Monteiro mao ang mga collector’s item ug mga “exclusively packaged” sama lang sa mga video games alang sa US military.
Proud kaayo ang bag-ong Guiness record holder gumikan kay andam siya nga ipadangat sa publiko ang iyang mga koleksyon.
“I’m really excited to be finally sharing this with the world,” sigon pa usab ni Monteiro.
