INDONESIA-Ningitngit ang panan-aw sa 45-anyos nga lalaki sa Indonesia ug miresulta sa pagpatay sa iyang 60-anyos nga silingan human kini nasakitan ug nasuko sa pag-unong sa pagpangutana kaniya nganong wala siya maminyo.
Giila ang biktima nga si Asgim Irianto, usa ka retired civil servant samtang ang suspek mao si Parlindungan Siregar.
Matud ni Region’s Assistant Police Commissioner (AKP) Maria Marpaung nga basi sa gihatag nga pahayag sa asawa ni Irianto nga ang suspek miabot sa ilang panimalay nga adunay bitbit nga kahoy ug wala’y pagduhaduha nga gi-atake si Irianto.
Nakadagan pa ang biktima sa gawas sa ilang panimalay apa, naabtan kini og nabunalan sa ulo ug nahagba.
Ingon man nga miuwang ang mga residente sa lugar sa pagbunal kang Asgim ug gidala ang biktima sa ospital, apan namatay kini sa wala pa makaabut sa tambalanan.
Gidakop sa kapolisan si Parlindungan sulod sa usa ka oras human sa pag-atake.
Ingon man nga wala gikalimod ug giangkon sa suspek desidido kini nga bunalan ang biktima hangtod mamatay tungod kay nasakitan sa kanunay nga gipangutana sa iyang silingan, nga nagbiaybiay, ngano nga wala siya maminyo.
