CEBU — Patay ang helper sa electrician human nakuryentehan sa na-instalar nga wirings sa usa ka resort sa Sitio Cancaya, Poblacion, Alcoy, sa probinsya sa Sugbo.
Giila ang biktima nga si Jimmy Roy Cataytay, 36 anyos, ug lumad nga taga-Duljo Fatima, dakbayan sa Sugbo.
Base sa imbestigasyon sa kapulisan, naka-install ang electrical connection sa gitukod nga resort sa maong dapit.
Matud ni Police Master Sergeant Ronald Perez sa Alcoy Police Station nga mipasidan-an ang electrician ngadt ni Cataytay nga dili pahilabtan ang mga gipangtaud nga live wire.
Apan tungod sa pagtuo sa biktima nga nakahibalo na sa mga koneksyon, giingong iyang gihilabtan ang live wire hinungdan nga nakuryentehan kini.
Gidala sa tambalanan ang biktima apan dead on arrival na kini.
