Lalaki, naluwas sa dihang nahulog sa huot nga luna tali sa 2 ka balay sa Thailand

CEBU – Na-rescue ang usa ka lalaki nga nikatkat sa atop human kini nahulog sa grabeng kahuot nga luna tali sa duha ka balay sa Thailand.

Sa usa ka taho, nasayran nga ayohon unta sa naasoyng lalaki ang leak sa panimalay dihang na-slide kini.

Daling nakatawag og tabang ang silingan dihang nakadungog sa paghilak sa maong lalaki.

Gumikan sa kahuot sa maong luna diin daw sa napiit ang lawas sa lalaki, hinay-hinayng gibira ug gi-alsa sa mga rescuers ang lalaki gamit ang panapton.

Maayo nalang kay wala ra maunsa ang maong lalaki gawas sa mga bun-og nga naangkon niini tungod sa kahuot sa maong lugar.