ARGAO, CEBU-Patay ang usa ka lalaki human misukol sa mga miresponding kapulisan nga adunay bitbit nga sundang sa lungsod sa Argao, gahapong adlawa, Hulyo 30, 2024.
Giila ang lalaki nga si Argel Sudario, 33-anyos kinsang gireklamo human giingong nanglugos sa 21-anyos nga babaye, kinsang maguwang sa iyang kapuyo.
Matud ni Police Senior Master Sergeant Benjie Garcia nga ang suspek nisuway og atake sa mirespondeng mga pulis gamit ang sundang ug mao kini ang hinungdan nga mibalos ang kapulisan napusilan ang suspek.
Ingon man nga daling gidala sa tambalanan ang suspek apan, gideklarar na kini nga dead-on-arrival samtang nahatagan na usab og pagtagad ang naangol nga pulis nga si Police Staff Sgt. Anthony Deiparine kinsang natumba ug naigo ang wala nga tudlo.
