Medellin, gitay-og og 4.1 magnitude nga linog; Mga estudyante, gipapauli og sayo samtang mga residente, gidasig nga magpabiling alerto

Gi-awhag dayon ni Medellin Mayor Edwin L. Salimbangon ang tanang tunghaan sa lungsod nga papaulion og sayo ang mga estudyante isip usa ka lakang sa pag-amping nunot sa pagtay-og og magnitude 4.1.

Subay usab kini sa himoon nga pagsusi sa kaluwasan sa dili pa tugotan ang mga estudyante nga mobalik sa mga apektadong lugar.

Gidasig usab niini ang mga residente nga magpabiling kalmado, alerto, ug mosunod sa mga pahimangno bahin sa kaluwasan gikan sa mga lokal nga awtoridad ug mga opisyal sa tunghaan.

Una niini, gibutyag sa mga seismologist sa gobyerno nga ang linog adunay giladmon nga 2 kilometro, ug nahimutang sa direksyon nga South East gikan sa Medellin, Cebu.

Ingon man nga walay natala nga mga aftershock.