Midesider ang Kagamhanang Dakbayan sa Sugbo sa pagdeploy og libreng Bus Rides sa kadalanan isip pag-abag sa nagka-grabeng dagan sa trapiko karong holiday season.
Kini subay sa mando ni Cebu City Mayor Nestor Archival Sr. human mipadangat ang netizen nga si Fidel Laurence Ricafranca sa kasagmuyo niini sa kalisud sa transportasyon.
Gihimug-atan sa kagamhanang dakbayan ang importansya sa pagpaminaw sa sugyot sa publiko sa ilang kalisud nga nasinati partikular na sa mga commuters nga nag-atubang sa limitadong transportation options, bug-at nga trapiko, ug uban pa.
Ang desisyon kay nunot sa diskusyon sulod sa City Hall lakip na ang koordinasyon sa Department of General Services (DGS) sa pagkonsiderar niini sa sugyot sa publiko isip transport emergency diin agn mga libreng bus rides kay nagtumong sa pagdalit og luwas, accessible, og baratong transport option sa mga commuters.
Gipasalig sa kagamhanang dakbayan ang publiko sa detalye sa routa, schedule niini, ug operational guidelines aron sayod ang publiko sa impormasyon kabahin sa programa.
