CWBU CITY-Di momenos sa lima ka panimalay ang apektado sa Landslide sa Brgy.Calamba, Cebu City, hinoon wala ray naangol o nakabsan og kinabuhi sa maong insidente.
Hinungdan nga si Cebu City Councilor Jerry Guardo, chairman sa Committee on Infrastructure, nihimo og inspeksyon sa nahitabo nga pagdahili sa yuta.
Sa pikas bahin, nagpatabang karon ang Department of Public Works and Highways sa Central Visayas (DPWH-7) ngadto sa lokal nga kagamhanan sa dakbayan sa Sugbo nga mahawanan ang parte sa dalan sa Barangay Busay.
Kini human nahunong ilahang pagpaayo sa dalan sa maong dapit gumikan adunay mga residente nga giingon dili mamahawa.
Matod ni Guardo nga ilahang gisusi ang maong lugar dinha sa Barangay Busay uban sa DEPW, CCDRRMO, ug sa OBO.
Diin ilahang nakita nga delikado na gyud ang lugar kun dili mapadayon ang rehabilitasyon sa DPWH-7 sa maong dalan sa Barangay Busay.
Asoy ni Guardo nga gibutyag sa DPWH-7 nga sulod na sa tulo ka buwan wala nabalikan ang proyekto sa maong lugar gumikan dili makalihok ang contractor tungod sa maong balay.
Nagkanayon si Guardo nga delikado na gyud ang maong lugar human nga nagkalandslide na kini.
Gani kaganinang buntag lang, laing pagdahili sa yuta ang nahitabo atol sa pagbisita sa konsehal.
Tungod niini, sigon ni Guardo nga iyahang irecommendar ngadto sa CDRRMO nga mopatuman og force evavuation sa kadtong mga nanagiya sa balay aron makabalik na og trabaho ang DPWH-7 sa maong dalan dinha sa Barangay Busay.
