Nakompleto na sa Gilas Pilipinas ang ilang line-up alang sa ika-20 nga Asian Games sa Aichi-Nagoya, Japan.
Diin gipaambit ni Gilas head coach Tim Cone, nga gikuha nila si Calvin Oftana aron moduwa.
Gipulihan ni Oftana ang pwesto nga orihinal unta para kang Justin Brownlee, kinsa kasamtangang nagpaalim gikan sa nahiaguman nga injury.
Nakapraktis na usab si Oftana uban sa Gilas alang sa maong torneyo ug masaligon si Cone nga hanas na si Oftana sa sistema sa Gilas, gumikan kay nakadula na siya kaniadto alang sa national team.
Hilabi na nga siya lamang ang miyembro sa maong grupo nga nakadaog og gold medal sa 2023 Asian Games nga gipahigayon sa Hangzhou, China.
Apil sa line-up sa Gilas Pilipinas alang sa Asian Games sila si Don Trollano, RJ Abarrientos, Justine Baltazar, Justin Arana, Jerrick Ahanmisi, Robert Bolick, Sedrick Barefield, Brandon Bates, Brandon Ganuelas-Rosser, Zavier Lucero, ug Adrian Nocum.
Atubangon sa Gilas Pilipinas ang Bahrain sa ilang unang duwa karong Septiyembre 11.
