CEBU CITY-Gisusi sa Traffic Enforcement Unit sa Cebu City Police Office ang posibleng kaso sa hit-and-run nga niresulta sa kamatayon sa usa ka basketball player duol sa Redemptorist Church sa dakbayan sa Sugbo.
Giila ang biktima nga si Jeslar Larumbe, kanhi two-time Most Valuable Player sa Don Bosco Greywolf ug two-time Champion sa Don Bosco Cebu Alumni Basketball League.
Nasayran nga una ng gikataho nga ang motorsiklo ni Larumbe nadasmagan sa miagi nga convoy nga adunay mga ‘VIP blinkers’ samtang nagbiyahe duol sa naasoy nga dapit.
Matud pa ni Police Major Jonathan dela Cerna, ang hepe sa TEU, niingon nga base sa CCTV footage ilang na-secure, ang nahitabong disgrasya sa kadalanan nga naglambigit sa basketball player sa wala pa moagi ang convoy sa maong lugar.
Diin nagbacktrack na ang buhatan sa TEU arun makakuha og dugang impormasyon, ingon man arun makatabang sa kaso.
Subay niini, gawas sa pagsubay sa mga CCTV footage, padayon sa gihapon og pangita og mga saksi ang mga opisyal sa kapulisan arun sa pagtumbok sa suspek sa pagpatay kang Larumbe.
