London airport nabulabog tungod sa kadudahang butang nga nakit-an

LONDON-Nabulabog ang mga pasahero sa Gatwick Airport sa London human nadiskubrehan ang gidudahang kontrabando sa ilang mga bagahe.

Gumikan niini daling miresponde ang explosive disposal team aron masusi dayon ang nasangpit nga butang.

Gi-cordon sa mga pulis ang lugar diin estrikto usab sila sa pagsusi sa mga mosulod sa maong lugar.

Ang Gatwick Airport mao ang ikaduhang pinakabusy nga tugpahanan sa Britanya diin ang dakong bahin niini sa terminal kay gibakwit.

Gidala usab sa gawas ang mga kadudahang butang ug didto gipabuto aron dili makadaot sa mga pasahero.

Human sa kapin usa ka oras, gipabalik na ang mga tawo ug normal na ang dagan sa trapiko sa lugar.