Hingpit na nga nangandam ang Land Transportation Franchising and Regulatory Board (LTFRB)-7 nunot sa nagsing-abot nga kalag-kalag karong tuiga.
Pipila ka mga lakang nga ilahang gipahamtang mao ang pagpahigayon og inspeksyon sa matag terminal sa Dakbayan sa Sugbo, kasikbit nga dapit sa lalawigan sa Sugbo, ug ingun man sa lalawigan sa Bohol.
Ang LTFRB mao ang natasahasan sa pagpang-inspeksyon aron susihon kung paigo ba ang mga bus nga mo byahe sa umaabot nga semana.
Subay niini, nag-awhag usab si LTFRB-7 Regional Director Eduardo C. Montealto Jr. nga maglukat na og mga special permits ang mga bus operators ug drivers, aron mas hapsay ug ma-organisar sa layo pa ang kalag-kalag.
Gitataw usab niini nga sa pagkakaron, wala pa silay natala nga nagfile og special permits, apan bisan paman, gikabutyag niini nga napanglantawan sa buhatan nga dili na gikinahanglanon nga magfile og additional bus units kay kasigo ra ang mga nagbyahe sa provincial routes.
