Mihatag og katin-awan ang buhatan sa Land Transportation Office – Central Visayas (LTO-7) kabahin sa pagpatuman sa “No Plate, No Travel” policy.
Sa giluwat nga press statement niadtong Huwebes, Agosto 7, gipahibalo niini ang publiko nga walay pagpanakop ang ipahigayo sa mga behikulong wala pa makakuha sa ilang mga original plates.
Samtang wala sab multa sa balor nga P5,000 ang panukuton sa katong mga naggamit pa ug temporary ug karaang plaka.
Ang “No Plate, No Travel” policy kay mamahimong epektibo atol sa deadline nga giladtid sa LTO Central Office sa Oktubre 31, 2025.
Gani gipasabot sab sa buhatan nga ang mga behikulo nga adunay Motor Vehicle File Numbers nga nagsugod sa “0701” o kadtong narehistro sukad niadtong tuig 2018 kay mamahimo nang mulukat sa ilang plaka sa LTO Subangdaku Office sa dakbayan sa Mandaue.
Ingon man nga ang mga behikulong adunay Motor Vehicle File Numbers nga nagsugod sa “0716” o kadtong narehistro gikan tuig 2014 hangtud 2017 kay mamahimong mubisita sa LTO Cebu City District Office sa Robinson’s Galleria sa dakbayan sa Sugbo o sa pinakaduol nga LTO Office aron sa tukmang tabang sa pagproseso.
Hinaot kini sa buhatan nga natapos na tanang backlogs sa mga plaka sa mga sakyanan ug motorsiklo sa dili pa gikatakdang deadline.
