Lungsod sa Minglanilla, makasinati og upat ka adlaw nga bakasyon

CEBU PROVINCE-Makasinati ang Minglanilla og upat ka adlaw nga bakasyon apil na nga gideklarar sa Agosto 22 isip special non-working day.

Gipahibalo ni Minglanilla Mayor Rajiv Enad ang maong kalambuan subay sa gipagawas nga Executive Order No. 51 Series sa 2023.

Gihatagan og awtoridad ang Enad sa Konseho sa Munisipyo niini pinaagi sa Resolution No. 349 Series of 2023 aron himuon ang maong deklarasyon.

Magsaulog sa iyang fiesta sa maong adlaw ang naasoy nga lungsod isip pagpasidungog sa ilang patron nga Immaculate Heart of Mary.