-- ADVERTISEMENT --
CEBU CITY-Nagtingkagol karon sa locked-up cell sa Mabolo Police Station ang mag-live in partner human giingong gi-isnob ang cashier sa usa ka mall sa may North Reclamation Area ug wala gibayran ang mga gipangbitbit nga sapatos ug sandal.
Giila ang mga dinakpan sa mga alyas nga sila si alyas “Jethro”, 24 anyos, tindero og sapatos ug si alyas “Andrea”, 22-anyos, nga taga Brgy.Sambag 2, Cebu City.
Matud pa nga ang mga naasoy nga suspek kay nangawat og duha ka sapatos ug usa ka sandal nga nagkantidad og P20,080.
Wala sila nagmalampuson sa ilang krimen tungod kay nasangit sila sa dihang gi-inspeksyon sa security guard ug walay naipakita nga resibo.
Kasong theft o shoplifting ang giandam na karon batok sa mag-live in partner. | BOMBO REX
-- ADVERTISEMENT --
