ORMOC, LEYTE-Gisaka na ngadto sa 5 Milyones pesos gikan sa 1.5 milyones pesos ang reward money sa ni bisan kinsa nga makatudlo sa nahimutangan ni Michelle Lim Go Chu ug sa magtiayong Jerlyn Joyce ug Lorenzo Baltonado Jr.
Kini ang gipahibawo sa abogado sa negosyanteng si Kaiser Tan nga si Atty Francisco Amit Jr. atul sa pakighinabi niini sa Bombo-Radyo Cebu.
Gawas ni Go Chu ug sa magtiayong Baltonado Jr. lakip na karon sa mahimong itaho sa kapulisan ang bana ni Go Chu nga si Lloyd Lawrence Chu kinsa nalutsan na usab og apil og warrant of arrest sa kasong estafa niadtong Agusto 14 sa Branch 17 sa dakbayan sa Sugbo ug Agusto 16 sa Branch 29 sa dakbayan sa Toledo.
Gipahibawo usab ni Atty. Amit Jr. nga gibasura sa Eighteenth Division sa Court of Appeals ang petisyong giduso sa kampo ni Go Chu pag annul sa warrant of arrest nga giluwatan sa Branch 29 sa dakbayan sa Toledo batok ni Go Chu sa kasong estafa nga iyang giatubang.
Pasabot niini nagpabilin ang warrant of arrest batok ni Go Chu nga una nang giluwatan sa RTC Branch 29 sa dakbayan sa Toledo niadtong Mayo 15, 2023.
Gihimug-atan sa Court of Appeals sa ilang desisyon nga dihang nadawat ni Go Chu ang warrant of arrest sa korte aduna siyay 15 ka adlaw sa pag file ug motion for reconsideration niini o dili molapas sa Mayo 30, 2023 apan inay nisumiter kini ug petition for certiorari niana nang Hunyo 22, 2023.
Nanawagan karon ang kampo ni Tan sa kapulisan sa pagpangita sa magtiayong Chu ug Baltonado aron mataral kini sa hukmanan sa kasong ilang gipang atubang.
Sa pikas bahin si Go Chu sa iyang habig padayong wala gayud moluwat ug pamahayag sa iyang kasong giatubang.
