Mali nonuplets anaa sa maayong kondisyon ang panglawas sa unang adlaw nga natawhan – amahan

CEBU – Anaa sa hingpit nga kahimsog ang bugtong mga nonuplet sa kalibutan – siyam ka mga bata nga natawo sa parehas nga oras samtang gisaulog ang ilang unang adlawng natawhan.

Matod pa sa amahan sa mga bata nga si Abdelkader Arby, nga usa usab ka opisyal sa Malian army, nga anaa gihapon sa klinika sa Morocco ang mga bata kung diin sila nahimugso.

Anaa ra usab sa maayong kahimtang ang inahan sa mga bata nga si Halima Cissé, 26 anyos.

Naghimo ang pamilya og usa ka gamayng selebrasyon aron isaulog ang unang adlawng natawhan sa siya ka mga bata uban sa mga nars ug pipila ka kaila.

Gibuak sa mga masuso ang Guinness World Record alang sa pinakadaghang bata nga nahimugso sa usa lang ka anakan ug pabilin nga luwas ug buhi.