CEBU CITY — Mohatag ang Mandaue City Government og P8-million nga hinabang alang sa mga apektado sa sunud-sunod nga linog sa Mindanao sa nakalabay nga semana.
Matud sa chief of staff nga si Atty. Edu Ybañez nga pinasikad kini sa kamanudan ni Mayor Jonas Cortes.
Gibutyag ni Ybañez nga nangita og tinubdan ang ilang budget office og pondo alang sa gitagana nga hinabang para sa mga apektadong local government units sa maong katalagman.
I-determinar pa sa City Government kung unsang mga lugar ang labing apektado sa kusog nga mga pagtay-og sa linog.
Dugang pa ni Ybañez nga igo lang nga mo-turnover ang City Government sa hinabang ngadto sa mga apektadong LGUs aron sila mismo mag-igo sa paggamit niini.
Gikatakdang ipaubos sa hearing sa City Council ang maong financial assistance ug aprubahan kini sa mga konsehal. (gn)
