CEBU – Hatagan una ug unom ka buwan si Ferdinand ‘Bongbong’ Marcos, Jr., nga ipakita ang dagan niini sa iyahang administrasyon.
Gibutyag ni Rhoderick Abellanosa, usa ka political commentator, nga hilabihan pa ka sayo nga muhimo ug judgment ug conclusions sa mahimong labok niini isip musunod nga presidente sa Pilipinas.
Matud pa, sa naandan nga ‘first 100 days’ makita unsa ka paspas si Marcos, Jr. sa mga aksyon niini alang sa mga isyu sa nasud.
Sigon pa, angayan nga lantawon kung unsa’y kalahi-an ni Marcos, Jr. sa iyahang amahan nga si kanhi presidente Ferdinand Marcos, Sr., ingon man kung lahi usab kini ni outgoing president Rodrigo Duterte.
Samtang, nagkanayon si Abellanosa nga usa sa mga angayan nga bantayan sa katawhan mao ang pamaagi ni Marcos, Jr. sa pagdala sa isyu niini sa wala pagbayad ug buhis, ingon man ang ill-gotten wealth sa ilahang pamilya ug uban pang kontrobersiya.
