CEBU – Gitawag ni Cebu City Mayor Michael Rama ang mga sakop sa tigbalita nga mga peke ug mini gumikan sa mga taho nga nadawat sa iyahang opisina nga naggamit ang pondo sa City government sa pagpaingon niini sa nasud nga Singapore.
Matud pa, bisan usa ka sintimo wala kini nadala nga kwarta gikan sa panudlanan sa gobyerno.
Ang maong isyu kay nagsumikad sa pagbisita niini sa Singapore kauban ang iyahang pamilya.
Gipasabot sa mayor nga ang iyahang pagpaingon sa naasoy nga nasud kay arun paghimo ug ‘benchmarking’ alang sa katuyoan niini nga Singapore-like Cebu City.
Gani, asoy pa ni Rama nga gikahibulong sa iyahang asawa ug nganong nagtrabaho inay nga magsuroy sila sa maong nasud.
Nagkanayon ang opisyal nga kanunay na lang mag-una ang istorya diin giingong kanunay na lang nga mutira ug manaut batok kaniya.
