Gipaambit sa kanhi US boxing champion nga si Floyd Mayweather nga aduna pa siyay pipila ka mga away nga nahabilin sa dili pa ang iyang gipaabot nga rematch uban ni Manny Pacquiao.
Gitino sa 48-anyos nga si Mayweather, nga iyang atubangon si Mike Tyson sa usa ka exhibition match.
Ang 59-anyos nga kanhi heavyweight boxing champion makigsangka kaniya sa Abril 25.
Pagkahuman sa duha ka bulan, iyang atubangon ang Greek kickboxer nga si Mike Zambidis sa usa ka exhibition fight sa Hunyo sa Athens, Greece.
Ang 45-anyos nga si Zambidis usa ka 18-time world champion nga miretiro nga adunay rekord nga 157 ka daog ug 24 ka pilde sa kickboxing.
Kining duha ka exhibition fight magsilbing warm-up alang sa iyang umaabot nga away uban ni Pacquiao sa Septyembre 19.
Dili bag-o si Mayweather sa mga exhibition fight, tungod kay human sa iyang katapusang propesyonal nga away uban ni Conor McGregor niadtong 2017, iyang giatubang ang kickboxing star nga nahimong boxer nga si Tenshin Nasukawa niadtong 2018 ug ang WWE star nga si Logan Paul niadtong 2021 sa mga exhibition match.
