CEBU – Dili mutuo ang usa ka medical doctor sa datos nga gipagawas sa Cebu City Health nga gumikan sa ‘sharing of infectious needle’ hinungdan nga taas ang kaso sa human immunodeficiency virus (HIV) sa syudad sa Sugbo.
Gibutyag ni Dr. Rene Josef Bullecer, nga ang maong datos kay nagpakita nga palpak ang gobyerno sa kampanya batok iligal nga drogas.
Matud pa, kung sagad sa pagtinakdanay sa sakit nga HIV tungod sa pagpasa-pasa ug infectious nga dagum, nagpasabot nga anaa sa gihapon ang ‘nubain’ ug wala mulampos ang gobyerno sa pagsumpo niini.
Gituohan ni Bullecer nga sayop ang maong datos gumikan kay 90% sa tinakdanay sa HIV kay ang homosexual transmission o ang pakighilawas sa lalaki ug lalaki.
Gani, mipasabot pa ang naasoy nga doctor, nga gumikan sa usa ka tambal nga gitawag ug ‘PrEP’ hayan musamot pa ang pagsaka sa kaso sa HIV gumikan kay ang maong tambal gamiton sa pagpanalipod batok sa maong sakit.
Sigon pa, gihatag kini sa gobyerno ug sa mga non-government organization (NGOs) sa mga lalaki nga adunay HIV diin mahimo nila kining imnon una ang pakighilawas sa laing lalaki hayan taas ang kumpyansa hinungdan sa pagdaghan sa mga nataptan.
