Gipangangha sa usa ka Italyano nga mekaniko human nga nakamugna kini og pinakapig-ot nga awto sa kalibutan gikan sa iyang karaan nga Fiat Panda.
Giila kini nga si Andrea Marazzi, usa ka batan-ong mekaniko ug YouTuber, kinsang nigahin og usa ka tuig sa paghimo sa 1993 Fiat Panda nga “ultra-thin.”
Sa 50 sentimetro ang gilapdon, haom ra kini sa drayber ug usa ka suga, ug mas nahimong usa ka mainit nga hilisgutan sa internet ug gitawag nga “Flat Fiat.”
Gigamit ang halos tanang orihinal nga mga piyesa sa sakyanan, mapailubon nga giayo ni Marazzi, giputol, ug giwelded ang sakyanan hangtod nga kini nahiktin.
Ang sakyanan bug-os usab nga de-kuryente, adunay sukod nga 145 cm ang gitas-on, 340 cm, ug may gibug-aton nga 264 kilos.
Apan, bisan nakapatulo kini sa mga laway ug nakapasiga sa mata sa lungsuranon kay wala kini gi-aprobahan alang sa paggamit sa dalan.
Kini alang lamang sa kalingawan ug aron mamatikdan ang negosyo sa junkyard ni Marazzi.
Ingon man nga tungod sa pagkapopular sa iyang proyekto, nagplano karon si Marazzi nga isumiter sa Guinness World Records aron mahatagan og titulo nga “narrowest car.”
