Gisugdan na sa mga pribadong engineer ang pag-paayo sa merkado sa dakbayan sa Mandaue human nga naguba tungod sa makagun-ob nga linog nga miigo niadtong Seytembre 30.
Kini ang gipahibalo ni Atty. Sally Malig-on, Mandaue City administrator nga human sa usa ka semana gikan sa pagsugod sa pag-paayo sa merkado kay mamahimo na kini balikan sa mga vendors.
Gipaambit usab niini sa mga Mandauehanon nga adunay pipila ka dalan ang gisirad-an diin nagtumong sa seguridad sa kaluwasan sa mga tawo nga moagi diin adunay posibilidad nga mga hagbong ang mga tinumpag sa nagpadayon nga pagbakbak sa edipisyo.
Hinuon, bisan paman sa maong operasyon kay hinay-hinay na og balik sa normal ang dakbayan sa Mandaue diin pipila ka mga manindahay ang nakapwesto na sa daplin sa dalan.
Hinungdan nga nangayo usab og despensa ang kagamhanan sa dakbayan apan nipasalig nga ilang gipaspasan ang pag-trabaho aron hingpit na gayud nga mahibalik ang sauna nga operasyon sa Mandaue. | via Bombo Crislee Adlawan
