CENTRAL VISAYAS-Mopahigayon ang mga nagkadaiyang ahensya sa Central Visayas og mga aktibidad subay sa kasaulogan sa Valentine’s Day.
Diin, ang mga personahe sa Mactan-Cebu International Airport Police Station pinaagi sa pagpanghatag og mga rosas ug balloon sa mga pasahero ug empleyado sa Mactan-Cebu International Airport nga adunay mensahe nga “Love is in the Airport”.
Kini nga kalihokan nagtumong sa pagpakaylap sa diwa sa gugma sa mga tugpahanan sa airport ning adlaw nga Valentine’s Day.
Samtang, ang Lapu-Lapu City Female-Jail Dormitory for Persons Deprived of Liberty adunay ipahigayon nga ‘ZumValentine’ ug gitugotan usab kini nga maka-video call sa ilang mga pamilya aron mangamusta, ingon man magpadala og cake ug bulak sa ilang mga panimalay.
Gawas niini, mohalad usab ang mga BJMP sa mga PDL pinaagi sa pagtanyag og mga love songs, ug ‘wall of love’ diin mamahimo ang mga PDL nga mopadayag sa ilang mensahe ug ipapilit sa bungbong.
Subay niini, nihimo og hugot nga koordinasyon ang kapulisan aron masiguro ang seguridad diin naka-standby ang tanang personnel sa ilang tagsa-tagsa ka mga area ug gawas niini, gipahinumdoman usab ang tanang Sugbuanon nga dili magpaatik online ug hilabi na nga makigtagbo sa mga estranghero.
Kini nunot sa natala nga mga biktima sa love scams diin ang ilang gusto dili ang imong kasingkasing gumikan ang ilang target ang imong kuwarta.
