CEBU – Giawhag sa Department of Labor and Employment (DOLE) Central Visayas ang mga business establishments nga mo-apply alang sa Safety Seal Certificate alang sa pagsiguro nga natuman niini ang minimum health standards ning kasamtang panahon sa pandemya.
Gibutyag pina-agi sa Press Release sa ahensiya nga gikatakdang sutaon sa buhatan ang mga business establishments sa Metro Cebu alang sa pagsuta kung gituman niini ang guidelines sa Inter-Agency Task Force for the Management of Emerging Infectious Diseases lakip na ang guidelines sa DOLE ug Department of Trade and Industry kabahin sa COVID-19 prevention and control sa mga workplaces.
Hatagan sa ahensiya ug Safety Seal Certificates ang mga buhatan nga nagpatuman sa health and safety standards batok sa coronavirus.
Libre ang maong seal certificate ug mamahimo nga ma-renew human sa unom ka buwan.
