CEBU – Gipasabot ni Dr. Mary Jean Loreche, ang tigpamaba sa Visayas Vaccination Operations Center (VVOC), nga dili tanang bakuna nga maabot sa Region 7 alang gayud sa first dose.
Matud ni Dr. Loreche nga adunay higayon nga tunga-on kini alang sa first ug ang pag-secure daan alang sa second dose.
Hinuon, dili man ingon niini ang kanunay nga mahitabo. Sigon pa nga mag-agad lang gihapon sila sa instruction sa VVOC national sa higayon nga adunay mga bakuna nga maabot.
Gibutyag niini nga sa gihapon nag-depende ang alokasyon sa bakuna sa supply nga maabot sa nasud.
Samtang, adunay higayon usab nga aduna na’y bakuna nga maabot apan dili dali ang pag-apud-apud gumikan kay nag-agad kini sa mga byahe sa eroplano.
Bisan pa man niini, gisiguro ni Loreche nga adunay daghang supply sa bakuna nga maabot sa Pilipinas sa dili pa matapos ang buwan sa Hulyo.
