METRO MANILA-Gipahinumdoman sa Department of Labor and Employment (DOLE) ang mga employer bahin sa saktong suholan sa Ninoy Aquino Day.
Kini nga holiday gitakda matag Agosto 21 apan karong tuiga, gibalhin kini ni PBBM ngadto sa Agosto 23, basi sa holiday economic practice aron mapalambo ang domestic tourism.
Ubos sa DOLE Advisory No. 9-A, kini nag-ingon nga ang mga empleyado nga motrabaho sa Biyernes makadawat og dugang 30% nga sweldo.
Kung ang usa ka empleyado mag-overtime, makadawat sila og dugang nga 30% sa ilang hourly rate.
Kung ang empleyado naghimo niini nga usa ka adlaw sa pagpahulay apan misulod ug nagtrabaho gihapon, makadawat siya og dugang nga 50% sa iyang suhol sa adlaw.
Ang ‘no work no pay’ nga principle magpabilin alang niadtong dili mosulod nianang adlawa.
