CEBU CITY-Gipaambit ni Department of Education Cebu City Assistant Superintendent Adolf Aguilar nga ang mga kakuliyang sa mga billeting stations, sama sa kakuwang sa tubig kay gitubag na sa working committee sa 2024 Palarong Pambansa.
Gisaysay ni Aguilar nga ang komite sa Palaro nakig-alayon sa City Government ug sa mga barangay aron mahatagan og igong suplay sa mainom nga tubig ang mga billeting station nga nakasinati og ‘low to no pressure’.
Ingon man nga lakip sa mga gihatagan og pagtagad ang mga pagpalambo sa paghatod sa mga tangke sa tubig ngadto sa mga billeting station.
Samtang gihatod na usab ang generator sets sa Guadalupe Elementary School.
Gidugang pa niini nga adunay contingency plans nga gitukod ug naka-standby, ingon man nga wala’y pamilok nila nga gitutukan ang kalihokan sa tumong nga masiguro nga wala’y problema ug mahatagan og kasulbaran ang mga kinahanglan sa mga partisipante.
