Hugot nga gibantayan karon sa National Bureau of Investigation (NBI) Central Visayas ang mga lugar nga posibleng gitagoan sa mga online scammers.
Mao kini ang gipaambit ni Atty. Renan Oliva, ang Regional Director sa NBI-7 diin mipasalig nga padayon ang buhatan sa pagsusi sa mga lugar nga possibleng gibalayan sa mga indibidwal nga padayong namiktima pinaagi sa online platforms.
Kini subay sa bag-o lang nga na-ronda nga scam hub sa dakbayan sa Lapu-Lapu diin gilambigitan sa 29 ka mga pinoy ug duha ka mga Taiwanese Nationals.
Dugang pagpasabot niini nga ang pagsumpo nila sa illegal nga POGO activities sa nasud kay subay sa mando sa presidente, diin ang maong mga aktibidad nabalhin gikan sa kalungsuran ngadto sa mga lugar sa probinsya gikan sa mga building ngadto sa mga residential areas mao nga mas gitutukan ug padayon ang ilang paghimo og mga imbestigasyon.
Milanat og usa ka tuig ang modus sa bag-o lang nga nabulabog nga scam hub sa Lapu-Lapu diin adunay kalihokan nga pagpangilad sa mga langyaw ug pilipino pinaagi sa online deal, diin naglangkob kini og pag-gamit og peke nga mga profile accounts, ug peke usab nga mga social media accounts nga nagpakaaron-ingnong lehitimong online shops.
Lakip na niini ang pagpa-down og mga dikantidad nga kwarta isip baylo sa produkto, apan, walay produkto nga mopatim-aw.
Dugang pa, mahitabo kini sa mga “fraudulent sites” nga adunay online scamming activities, susama sa crypto currency scams, romance scams, ug dating scam like filipino cupid ug daghan pa.
Ingon man nga gitan-aw usab akron kon konektado ba kini sa uban pang scam hubs sa Sugbo.
Hinungdan nga gawas sa padayon nga imbistigasyon sa mga otoridad, giawhag niini ang publiko nga isumbong sa buhatan ang mga mamatikdang kadudahan o ba kaha mga trabaho nga nagtanyag og illegal nga mga paagi.
