Nanawagan si Senador Erwin Tulfo nga sigurohon nga milyon-milyon nga mga motorista ang makabenepisyo usab gikan sa plano sa pagsuspenso sa excise tax sa petrolyo nga giduso sa gobyerno aron maibanan ang epekto sa taas nga presyo sa lana.
Atol sa usa ka hearing sa Senate Committee on Ways and Means, si Tulfo nagpasidaan batok sa posibilidad nga ang diesel lang ang malakip isip tax relief. Dugang niini nga daghang mga motorista, nga naggamit og gasolina, ang mabiyaan kung ang pagsuspenso sa excise tax limitado sa diesel.
Sumala sa senador, gibanabana nga 8.5 milyon nga mga Pilipino ang naggamit og motorsiklo kada adlaw isip ilang pangunang paagi sa transportasyon paingon sa trabaho o alang sa panginabuhi.
Agi’g tubag, si Department of Finance Undersecretary Karlo Adriano miingon nga ang Development Budget Coordination Committee ug ang Department of Energy (DOE) mokonsiderar sa sugyot aron makahimo og mas komprehensibo nga rekomendasyon sa Presidente.
Samtang, si Tulfo nagpasidaan usab batok sa posibleng pagpolitisasyon sa pag-apod-apod sa mga subsidyo sa gasolina.
Ingon man nga gipasiugda sa senador nga ang mga politiko dili angay mogamit sa krisis sa presyo sa lana alang sa personal nga kaayohan.
