CEBU CITY-Gidagsa sa mga byahedor ug mga pasahero ang mga pantalan sa Sugbo atol sa unanag adlaw sa Semana Santa, kagahapong adlawa sa Dominggo (Palm Sunday) Abril 13, 2025.
Kini ang gipahibalo sa Cebu Port Authority (CPA) nga sa uannag adlaw sa gilusad nga Oplan Biyaheng Ayos: Holy Week and Summer Vacation 2025 kay namatyagan na niini ang baga nga panon sa mga tawo nga hinaot mubyahe karong panahona.
Kun diin hugot nga gipatuman nila ang lagda sa seguridad ug kaluwasan partikular na sa mga Passenger Terminals sa mga pantalan.
Gibutyag sab sa CPA nga naka-standby ra permente ang ilang mga Emergency Units lakip na ang mga First Aiders ug Ambulance aron masiguro na daling madalitan sa atensyong medikal ang mikinsang nanginahanglan niini.
Pahibalo niini sa publiko nga tumanon ang mga safety protocols aron maminusan ang pagkalangan sa proseso ug masigurong hapsay ang kahigayunan sa pagbyahe.
Gipasiugda kini sa mga awtoridad nga mga paningkamot tungod sa nagkadungang higayon sa publiko nga mangul sa ilang mga probinsya karong Semana Santa ug unang bahin sa Summer Season.
