Gitambagan sa National ASF Prevention and Control Program ang tanang mga biyahedor nga mubalik gikan sa ilang tagsa-tagsa ka probinsiya para magbakasyon karong long weekend nga dili magdala og mga karneng baboy ug pork products.
Naglakip kini sa chicharon, sausages, ham, chorizo, ug uban pang mga produkto a karne sa baboy.
Ang ahensya mihimo sa pamahayag, human sa natala nga pagsaka sa kaso sa ASF sa nasod.
Gipasabot sa Department of Agriculture, wala nagabakasyon ang naasoy nga virus.
Bisan tuod walay epekto ang ASF sa panglawas sa tawo, gitarget niini ang mga baboy nga maoy hinungdan sa ilang kamatayon.
Matod niya nga dali ra usab kini nga makatakod sa mga binuhing baboy.
Kini nga panawagan agi usab sa pagtubag sa mga paningkamot sa gobyerno aron mapugngan ang pagkaylap sa naasoy nga sakit.
