CEBU CITY-Dako ang pagtuo sa Bayan Central Visayas nga ang nagpadayong petition signing for charter change wala magsilbi sa interes sa katawhang Pilipinhon, kondili sa mga politiko nga uhaw sa gahom nga nagtinguha sa pagpadayon sa ilang balwarte sa gobyerno.
Kini ang gitino ni BAYAN Central Visayas chairperson Jaime Paglinawan, sa pakighinabi sa Bombo-News Team, nga ang Charter Change gibase sa kabakakan ug korapsyon tungod kay ang onground nga mga taho nagpadayag nga kining petisyon malinglahon nga gisabak sa pagtakuban sa pinansyal nga tabang isip suborno.
Dugang pa, nga ang gisugyot nga mga pagbag-o sa 1987 Philippine Constitution naglakip sa mga extension sa termino nga maggarantiya sa mga political dynasties nga molambo sa nasud.
Matud pa niini nga imbes usa ka Charter Change, ang mga lehislasyon sama sa mga balaodnon bahin sa tinuod nga reporma sa agraryo ug pagpanghilabot batok sa unyon mao unta ang tutokan niining administrasyong Marcos Jr.
Gitino niini nga ang pagbasura sa balaod sa deregulasyon sa lana ug ang pagtangtang sa excise taxes sa mga produktong petrolyo mao unta ang prayoridad sa rehimeng Marcos Jr.
