Na-alarma ang mga residente sa Zone 5 sa Barangay Canduman, dakbayan sa Mandaue gumikan sa kapin usa ka semana nga nagpadayung ilegal nga paglabay sa basura, nga matud pa adunay mga dumtrucks nga nagdiskarga og basura sa ilang sa nahisgutang dapit bisan dili kini usa ka designated dump site.
Matud pa sa mga residente, gikataho nga mga ang basura naggikan sa usa ka mall, og didto gilabay human sa pagpanglimpyo
Sigon sa mga residente nga “dili na nila maagwanta ang grabeng ka baho, ug padayung pagdaghan sa mga langaw ug nabalaka usab sa posibleng makadaot sa panglawas hilabi na sa mga bata og hamtong.
Una na usab nga gipahibalo ang problema sa Mandaue City Environment and Natural Resources Office (Cenro) ug City Hall apan wala’y nadawat nga tubag.
Gibutyag usab ni Mandaue City Mayor Thadeo “Jonkie” Ouano nga iya nang gimandoan ang Cenro nga lihokon ang reklamo apan wala pa makadawat og update gikan sa buhatan.
Gikumpirma ni City Administrator Atty. Gonzalo “Sally” Malig-on ang illegal nga paglabay ug nasayran nga si Wilmer Zanoria, usa ka kontraktor ug konsehal sa barangay, maoy gitudlong nagpahakot sa mga basura.
Matod usab niini nga ang nahunong na ang pagpanglabay sa basura sa dihang nibisita ang Centro sa lugar niadtong Lunes, Nobyembre 17.
Samtang, nagpaabut pa ang mga residente nga makuha ang mga basura ug nanghinaot ug aksiyon aron mapugngan ang dugang nga illegal nga paglabay sa basura.
