Plano nga laslasan sa incoming administration sa Mandaue City hall ang numero sa ilang mga trabahante, kini ang gibutyag ni incoming Mandaue City Administrator Gonzalo “Sally” Malig-on, nga ang dakbayan adunay dul-an sa 11,000-ka mga empleyado ug 1,000 lang niini ang gikonsiderar nga regular nga empleyado.
Matud niini nga buot sa administrasyon ni Mayor-elect Thadeo “Jonkie” Ouano, nga mas igahin ang maong mga suweldo sa mas mahinungdanon nga mga serbisyo.
Giklaro usab niini nga ang mga competent nga mga trabahante posibleng ipabilin ug ang gi-hulipan ibutang sa tukmang programa.
Gibutyag usab niini nga kon ang gidaghanon sa JOs mokunhod og 1,000 o gikan sa 4, 500 ngadto na lang sa 3, 500, kini mohubad ngadto sa P108 milyones nga makatigum, nga kwentahon sa P9,000 matag buwan matag trabahante.
Mahimong mosaka ngadto sa P150 milyones o labaw pa ang matipid kon makunhuran sab ang kapin sa 5,000 ka opisyal sa PDO. | via Bombo Nathaniel Sandoval
