Miyembro sa transition team sa bag-ong gobernador sa Bohol, nalimbuwad ang sakyanan

CEBU – Luwas ang sinaligan ni Bohol Governor-elect Aris Aumentado nga si Romy Teruel sa dihang nabalitok ang iyang sedan human naligid sa makatulo ka higayon sa national highway sa Inabanga, Bohol .

Nag-inusara si Teruel atol sa insidente apan si Aumentado maoy personal nga misusi kaniya sa dapit human makadungog sa hitabo.

Wala ra hinuon maunsa si Teruel nga nagsul-ob sa iyang seatbelt.

Matod ni Teruel, nag-inusara siyang nagbiyahe paingon sa Catigbian aron motambong sa ceremonial turnover sa financial aid sa mga residente sa maong lungsod.

Wala ra usay laing kabtangan nga nadaot atol sa insidente gawas sa sakyanan.