Mitumaw sa pinakabag-o nga datos sa World Health Organization nga adunay dyutay nga pagkunhod sa kaso sa mpox sa tibuok kalibutan.
Diin nagpakita sa 3,191 nga bag-ong nakumpirma nga mga kaso sa mpox, nga adunay 18.2% nga pagkunhod sa miaging bulan, nga adunay 88% sa mga kaso nga natala sa Rehiyon sa Africa.
Sa miaging unom ka semana, ang Uganda adunay labing kataas nga ihap sa mga nakumpirma nga kaso sa mpox sa kalibutan, nga miabot sa 300 nga bag-ong kaso matag semana.
Ang Democratic Republic of the Congo kay nagpabilin nga labing grabe nga naapektuhan nga nasud sukad nagsugod ang pagkaylap sa sakit, apan dili sigurado kung ang mga kaso tinuod nga nagkunhod tungod sa pagkunhod sa pagsulay.
Samtang sa Burundi, ang mga nakumpirma nga mga kaso padayon nga nagkunhod, gikan sa kapin 200 matag semana sa kinatas-an niini, anaa nalang ubos sa 50 matag semana, nga adunay gamay kaayo nga rate sa pagkamatay.
Ang Brazil, Republic of Congo, ug United Republic of Tanzania nagtaho sa ilang unang mga kaso sa mpox tungod sa clade Ib MPXV, ug ang Republic of Congo mao ang unang nasud nga adunay co-circulation sa clade Ia ug Ib MPXV gawas sa Democratic Republic of the Congo.
