Gikaguol ni Presidential Adviser on Muslim Affairs Almarim Centi Tillah nga wala’y bisag usa ka representasyon sa Muslim sa senatorial lineup sa kasamtangang administrasyon.
Matod ni Tillah, ang kakuwang sa representasyon sa Muslim community maoy dakong kakulangan sa maong lineup.
Kini, matod niya, makadugang sa nagkadako nga kahadlok sa mga Pilipinong Muslim nga dili sila representahan sa politikanhong establisemento.
Gipaambit niini nga ang mga Muslim kay padayon nga nangita sa ilang tukmang lugar sa pagdumala apan napakyas ang administrasyong Marcos sa pag-ila sa tingog sa mga Muslim sa Senado.
Ingon man nga unsaon niini pagdasig sa mga Muslim sa pag-apil sa nasudnong proseso sa politika kon dili mamatikdan ang ilang interes.
Giinsister sa presidential Muslim adviser, kon walay Muslim senator nga nakasabot sa panginahanglan sa mga Filipino Muslim, maglisod na og paghimo og mga balaod nga makabentaha sa mga nagtuo sa relihiyong Islam.
Gikasubo usab sa opisyal nga sa makadaghang higayon wala tagda ang panawagan alang sa mas dakong representasyon sa mga Muslim Filipino sa nasudnong kagamhanan.
