Gironda ni Department of Public Works and Highways (DPWH) Sec. Vince Dizon ang nagpadayong construction and rehabilitation works sa nahulpa nga bahin sa Metro Cebu Expressway sa Barangay Cantao-an, dakbayan sa Naga sa habagatang Sugbo karong adlaw Miyerkules, Enero 28, 2026.
Ang Metro Cebu Expressway kay adunay gikatakdang gitas-on nga 56.9-kilometros gikan sa dakbayan sa Danao sa amihanag probinsya padulong sa dakbayan sa Naga. Apan sa karon kay milanat pa sa lungsod sa Minglanilla ang gitas-on sa maong proyekto.
Ang rehabilitation works sa maong expressway kay gitrabaho sa DPWH ug sa kontraktor nga QM Builders para sa apektadong Segment 3A sa mihulpang bahin niini kaniadto pang 2023.
Tinguha sa pagbisita ni Dizon nga mapadali ang soil stabilization efforts sa mihulpa nga bahin aron masigurong matapos ang maong segment sulod sa musunod nga unom ka buwan sa dili ma mutungtong ang klima sa nasud sa panahon sa ting-uwan.
Ang proyekto kay gisugdan niadtong 2018 ubos sa Build Build Build program sa kanhi administrasyon Duterte.
Sa pagkakaron, ang bahin pa sa Segment 3A ang gitrabaho gawas sa upat ka mga segments niini tungod kay nakasinati og pagkalangay ang uban bahin niini.
