LAPU-LAPU CITY-Nakuhaan sa CCTV Footage ang usa ka kawatan nga naka underwear ra nga nanglungkab ug nangawat og vault sulod sa usa ka panimalay sa usa ka subdivision sa Barangay Maribago, dakbayan sa Lapu-Lapu niadtong Dominggo, Marso 9, 2025.
Kun diin ang video sa maong pagpangawat kay ni-viral sa sa social media nga gibana-banang nahitabo kini pasado alas 3 sa sayong buntag niadtong adlawa.
Gani gisuwayan sa Bombo Newsteam nga pangayuan og habig ang biktima nga giilang si alyas “Henry”, usa ka Korean National diin gihimug-atan niini ang maong panghitabo apan dili lang usa kini mupatim-aw sa publiko tungod sa kasensitibo pa sa imbestigasyon sa kapulisan sa dakbayan sa Lapu-Lapu human kini niya na report sa Mactan Police Station 2 sa Lapu-Lapu City Police.
Gikatahong anaa sa P2-milyones in cash ang sulod sa maong vault diin nahitabo ang insidente niadtong wala ang tagtungod sa maong balay.
Kasamtangang nagpadayon pa ang gilusad nga imbestigasyon sa LCPO kabahin sa insidente.
