CEBU – Magsugod na ang torneyo sa FIFA World Cup sa Qatar karung Nobyembre 20, kung diin hapit tulo ka milyon nga mga tiket na ang nabaligya niini.
Subay niini, gibutyag ni Aia Kirisawa, ang bombo International Correspondent sa Qatar, nga ang naasoyng Nasud naa na sa 95 porsiyento nga andam, kini gumikan kay han-ay na ang mga puy-ananan sa mga players ingun man ang duwaanan niini.
Dugang pa, nga kasamtangang aduna nay mga players ang naabut, kini gumikan kay arun mag practice ug ma-adjuts niini ang klima sa naasoyng nasud, kung diin matag players adunay lima o mas daghan pa ka bodyguards.
Gihimug-atan niini, nga adunay Hayya card alang sa FIFA World Cup Qatar 2022, kung diin ang lokal ug internasyonal nga mga fans obligado nga mag-aplay alang sa Hayya Card.
Ang digital Hayya Card, nailhan nga Fan ID, usa ka dokumento nga gi-isyu sa FIFA World Cup Qatar, ug ang tanang tawo kinahanglang magkupot sa maong card uban sa ilang tiket sa duwa aron tugutan nga makasulod sa stadium.
Giklaro nga ang Hayya Card gipadagan sa gobyerno sa Qatar, samtang ang FIFA dili responsable sa aplikasyon, pag-isyu, ug/o paggamit niini nga kard.
Nasayran nga dili dawaton sa gobyerno sa Qatar ang mga indibidwal nga adunay records sa mga stampeed o kagubot, kini aru masiguro ang kalinaw sa panahon sa torneyo.
Tungod sa limitadong kapuy-an sa Qatar, adunay mga fans nga nipili nga mopuyo sa silingang nasod ug adto lang sila sa maong lugar kon magsugod na ang duwa.
