CENTRAL VISAYAS- Nagpahimagno sa publiko ang buhatan sa National Bureau of Investigation – Central Visayas Regional Office (NBI-7) ilabi na sa mga sugarol nga magpuasa usa sa sigeg panari o tigbakay karong panahon sa Semana Santa.
Kini ang gipaambit sa buhatan human nakalusad sila og operasyon batok illegal nga tigbakay sa Sitio Bonbon, Barangay Ocaña sa dakbayan sa Carcar niadtong Marso 26 diin 15 ka mga manariay ang nasikop sa ilang mga personahe.
Sa pamahayag pa ni Maria Contessa Lastimoso, ang tigpamaba sa NBI-7 nga matod pa kaysa isugal ang kwarta kay mas maayong igahin nalang kini sa panginahanglanon ilabi nakasinati ta karon og krisis sa ekonomiya o di ba kahas ang paggahin og oras sa pamilya kaysa sa sige og sugal.
Samtang namahayag sab si Gregorio Algoso Jr., ang Agent-in-Charge sa March 26 illegal cockfighting operation sa dakbayan sa Carcar nga kung manugal man sa tigbakay kay mas maayong didto sa mga legal ng establisyemento ug adunay pagtugot sa mga awtoridad kaysa sa mga illegal nga tapok-tapok nga kalapasan sa balaod ug taas nga tsansa nga masikop.
Ang mga pahimangno sa ahensya kay nanukad sa mas gipakusog nga operasyon niini batok illegal nga tigbakay nga sagad makita karong panahon sa Semana Santa bisan paman sa kataas sa relihiyosong kalihukan sa kinabag-an sa mga Pilipino.
